ياهاجس الاحباب

ياهاجس الاحباب بلغ لغالي
.... مني سلام الله ورد التحيّه



وليا نشد عني وعن ما جرا لي
....قله جسد والروح ماهيب حيّه



ميتٍ وحيٍ حي ميتٍ وصالي
....ماعاد تفرق ميت وحيٍ سويّه



ولو تنشده عن ضيم بعض الليالي
....قله عشانك تمسي عينه بكيّه



لو مر طيفك قال خلي قبالي
....ولو راح طيفك قال كانت هنيّه



بسباب هجرك يطعم المر حالي
....يضحك وعينه فوق وجنه سقيّه



مثل الغيوم ومزن فوق الجبالي
....والوادي يبغي الخير منه شويّه



مرت علي ايام جالس لحالي
....واشغلني التفكير روحه وجيّه



يمك يروح الفكر ويمك خيالي
....ياليت قلبك بس ينشد عليّه



جرح العمر واحزان هجرك حلالي
....وش عاد باقي من جروحك بقيّه



ليت الجسد من نار الاشواق خالي
.....وياليت عيني في وصالك هنيّه